خدعوك فقالوا

خلي الدماغ صااااحي

ياما طلع منا تصرفات وسلوكيات غلط

أخلاق مترضييش ربنا وكلام زي الزلط

وكل ما نيجي نصلح سلوك يرجع ويتكرر

قلنا لازم نعمل وقفة ومن عيوبنا نتحرر

فكرنا لقينا السلوك دايما بيتولد

لما المفهوم بيترسخ في العقل ويتوجد

والمفهوم ده كان أصله فكرة جنب فكرة

مع موقف حصل لي واتسجل كأنه ذكرى

وعندنا مشكلة بتحصل اسمها التعميم

موقف حصل لي مرة فقلت الدنيا كلها كده ...واتكونت المفاهيم

وركز معايا في الكلام اللي بيتقال

واساعدك يا صاحبي ...هضرب لك كام مثال

ناس كثير واخدة فكرة وحشة عن الدين

واقتنعوا بالفكرة لما شافوا بعض المتدينين وحشين

قالوا فين المسلمين الصح؟! وفين راحوا الصالحين؟!

واخد بالك يا صاحبي من مشكلة التعميم؟

كله زي كله وبكده تتكون المفاهيم

واحد تاني فاكر انه شخص تعيس

فشل مرة في حياته واستسلم لأفكار إبليس

والتاني قاعد على القهوة بيغني بيقول "يا بطالة"

فاهم ان البلد نايمة مع ان في ناس كتير شغالة!!

وواحد يائس وحزين ومحدش عارف يكلمه

أصل ذنوبه كثير، كان فاهم ان ربه مش هيرحمه

بصيت في ديننا لقيت الموضوع ده قديم

حتى إبليس كان عارفه وبقى يشتغل على المفاهيم!!

وقال لربنا هزين لهم الدنيا ولأغونيهم أجمعين

وهخلي الصح غلط، والغلط صح عشان يبقوا متلخبطين

فجِه سيدك النبي وفهمنا معنى الدين

ورتب للناس عقولها بعد ما ضاعت سنين

سيدك مُحمد فهمك لو عايز تبقى في القيامة جنبه

عامل أخوك بحنية وأوعى تجرح له قلبه

خلاني أفكر في الناس اللي حواليا

وأفهم ان ديني حقوق ليا وحقوق عليا

فاكرين دعوة صاحبه الصدّيق

اللي كان بيمشي معاه في كل طريق؟

يا رب وريني الحق حق وخليني أمشي عليه

ووريني الباطل باطل ولو كل الناس نصحوني بيه

يا صاحبي الموضوع كله في تظبيط العقول

اعرض مفاهيمك على كلام ربك وطريق الرسول

واحرس عقلك يا صاحبي وخد بالك منه

لأنك بكره هتقابل ربك ويسألك عنه

لانهم لايخضعون...فلا استسلام

ابطال وليسوا اطفال

اطفال غزه يتظاهرون لانهاء ماساتهم مع الحصار

الاسلام غيرني كتير

السلام عليكم ورحمه الله وبركاته
الاسلام غيرني كتير.؟
ده عنوان خاطرتي لاني كلما تعلمت شيئا جديدا نافعا وجدته مربوطا كليه بالاسلام.
فاذا اردت القراءه ،وجدت انها امر اسلامي (اقرا)
واذا سعيت وذاكرت واخذت بالاسباب وجدت الحبيب صلي الله عليه وسلم يقول (اعقلها وتوكل)
واذا اطعت امي وجدت ان القران والاحاديث النبويه تامرنا بذلك
واذا ساعدت شخصا وجدت الاسلام يامرنا بقضاء الحوائج
فالاسلام دين شامل وطريق مستقيم من يمشي فيه يجد نفسه وصل بر الامان.
فاللهم يا مقلب القلوب والابصار ثبت قلوبنا علي دينك.